Djokovic a inhnukdawk

Novak Djokovic chu hliam vangin a inkhel thei rih lo - Serbian star hi Davis Cup qualifier khelh tur aṭangin a inhnukdawk a, tun kar tawpa Denmark nen an inkhelh hunah a inlan ve thei dawn lo tihna a ni.

Australian Open 2025 khelh zawh takah khan Djokovic hi malpui na vangin a inlan zo thei lo, semifinal-a Alexander Zverev nen an inkhelh laiin a inhnukdawk a, fans ṭhenkhat chuan an auel hial.

Mahse, Grand Slam vawi 25 champion tawh hi a hliam tih a chiang a, engtikah nge a inkhelh leh theih dawn tih pawh a sawi chiang thei lo, amah ngainatute tan chuan chanchin hriat nuam a ni lo ang.

Kum 37 mi Djokovic chuan, "Tun hnai kum thum chhung vel chu harsatna hrang hrang ka tawk hnem ve hle a, engtianga paltlang tur nge tih pawh hriatthiam a harsa ṭhin.

"Grand Slam ka ngaipawimawh tih chu sawi nawn ngai kher loa thil chiang a ni a, chutihrualin inelna lian zawng zawng pawh ka khel zel thei ang em tih a chiang bik lo, ka taksa dinhmun ngaihtuah tel a ngai," tiin a sawi.

Djokovic hi ram a hmangaih avanga mite fak hlawh a ni ṭhin, tournament khelh tur tam tak karah pawh Serbia tan chuan a inlan hram ṭhin kha a ni a, atan inkhel thei loa awm hi a hrehawm ang tih a chiang.