Mathys Tel-a'n Bayern chhuahsan duh

Bayern Munich forward Mathys Tel chuan German club hi chhuahsan a duh a, kum 19 mi forward hi Chelsea chuan lakluh tumin an hel reng nia sawi a ni - tun hnaiah Manchester United hming a ri bawk.

Hetihrual hian United-in Tel an rim dan erawh a na hran lo. Red Devils hian Marcus Rashford emaw Alejandro Garnacho emaw an hralh chauhin Tel hi lakluh an tum niin an sawi.

Tel hian January ngeia Bayern hi chhuahsan a duh a, German club leh Tel aiawhte chuan amah duh tur an ngaihven mek nia sawi a ni a, Blues-ah kan hmu thut a nih pawhin a mak lo ang.

French forward Tel hian kum 2022 khan Rennes aṭangin Bayern Munich hi euro maktaduai 28.5 thlenga a man sang chho thei turin a zawm a, a season hmasa berah match 28 khelin goal ruk a khung. Season hmasa khan hmun pawimawh chang chhoin, match 41 a khel a, goal 10 khungin assist vawi ruk a nei bawk.

Mahse, tun season-ah coach thar Vincent Kompany-a hnuaiah hmun a chang tam tawk lo a, inelna hrang hrangah match 13 chiah la inlanin, heng zinga pathumah chiah bul a la ṭan a, goal a la khung lo a, assist vawi khat a nei.

Tel hian Bayern tlarhma lamah Harry Kane, Michael Olise, Leroy Sane leh Kingsley Coman te ho a elpui a, a tan a awlsam lo.