Phil Jones-a'n contract thar hnaih

Manchester United-in defender thar melh mah se Phil Jones a buai phah lo. English defender hian kar khata dollar 80,000 hlawh turin contract thar a ziak hnai.

Kum 23-a upa defender Jones hian kum 2011 khan Blackburn Rovers aṭangin Manchester United hi pound maktaduai 16-in a zawm a, tunah hian a contract neih laiah kum khat chiah a awm tawh.

United defender Chris Smalling pawhin contract a pawtsei a, chutichung chuan United tlar hnungin Nemanja Vidic leh Rio Ferdinand te vanglai an tluk phak loh avangin tawnhriat ngah zawk defender an melh zel.