Leicester-ah Huth a nghet

Leicester City-a loan a khel mek Robert Huth chuan a club khelh mekna Leicester-ah a ngheta kum thum chhung cham turin contract a ziak.

German defender hian February khan Stoke City aṭangin Leicester hi a pan a, hetihlai hian The Foxes-te hi Premier League table mawngphah luahlumtu an ni. An match hnuhnung vawi kuaah vawi sarih chak puiin Premier League-ah a inhamtanpui.

Kum 30-a upa de­fender hi English football-ah a mikhual lo, Chelsea, Middlesbrough leh Stoke City-ah te lo khel tawhin an ram Germany tan vawi 19 lai a lo inlan tawh bawk.

Leicester tan Austria defender Christian Fuchs an lak luh hnuah Robert Huth hi tun nipui transfer-a an player lak luh pahnihna a ni.