Casillas Chhantu Campo

Real Madrid defender hlui Ivan Campo chuan Real Madrid keeper Iker Casillas a chhan.

Campo chuan, "Casillas chungchang sawi hi a tam hle. Keylor hi Real-ah a cham emaw, De Gea a rawn lut emaw, Casillas hi a cham zel dawn pawh ni se, ka sawi duh chu Spanish keeper hi contract neilai a ni a, club tan sulhnu ṭha tak a hnutchhiah a, zah a phu a ni," tiin a sawi.

Kum 41-a upa Spain defender hlui chuan coach thar Rafa Benitez chungchang sawi zuiin result ṭha tak a neih ngei a beisei a, "Rafa hi Madrid mi leh sa a ni a, club-ah hun rei tak a awm tawh a, a champion pui ngei ka beisei," a ti.