India an mualpho nawn duh lo

Bangladesh rama ODI series khel tura zin chhuak India-in vawi hnih an tlawm hnuah chak hmel an hmu ve ta a, Nilaini khan run 77-in Bangladesh an hneh.

India hi chak mah se inkhel hmasa pahnihah Bangladesh an lo chak tawh avangin beisei loh zawk Bangladesh hian 2-1 in series hi an la ta tho a ni.

Shere Bangla Na­tional Stadium, Mirpur-a inkhelah hian bat hmasa zawkah India an ṭang a, over 50-ah mi paruk hlohin run 317 an vaw chhuak.

India tan Shikhar Dhawan leh captain MS Dhoni te an che ṭha a, Dhawan hian ball 73 a hmachhawnah run 75 a vuak chhuah laiin Dhoni-a'n ball 77 a hma­chhawnah run 69 a vaw chhuak thung.

Bangladesh-in ODI series la chiang tawh mah se chak ngei tumin an khel. Mahse, ni danga che sual Indian bowler te an chesual nawn duh lo a, Bangladesh-in over 47 thleng bak an tlin lo. Run 240 vaw chhuakin an vaiin an out vek a, India mualpho lutuk tur a zia.