Wozniacki-i'n quarterfinal lut

Nilaini khan Caroline Wozniacki chuan Svetlana Kuznetsova hnehin AEGON international championship third round a paltlang.

Quarterfinal lut turin Wozniacki hian hna hautak tak a hmachhawn a, set khat na a hloh zet hnuah 6-7 (3), 6-3, 6-1 in hnehna a chang. Germany tennis star Andrea Petkovic nen an inhmachhawn leh ang.

Wozniacki hian inkhel bul ṭan ṭhain set khatnaah 5-1 in hma hruai hman mah se Kuznetsova-i'n 6-7 (3) in a leh thal. Set hnuhnung berah pawh Wozniacki hian 5-1 bawkin hma a hruai leh a, hemi ṭum hi chuan inpawhthlak tir tawh loin 6-1 in a la zui ta a ni.

World number 1 hlui Wozniacki chuan, "Mak tak maiin set khatnaah khan ka che fuh lo a, amaherawhchu a pawimawh ber set hnuhnung berah ka che fuh hlauh thung. Kan inkhel a nih chuan hnehna changtu nih zel ka duh a, chumi tur chuan ka bei ṭhin. Wimbledon a hnaih tawh avangin a ṭha thei ang bera khelh a hun tawh takzet a ni," tiin a sawi.