City-in Sterling lak luh tumin Liverpool an dawr nawn

Raheem Sterling lak luh tum Manchester City an la beidawng duh mai lo a, a vawi thum nan Eti­had stadium lama English winger seng luh ngei tumin pound maktaduai 40 hum chungin Liverpool an dawr leh dawn ta.

Sum lama buai lo City hian pound maktaduai 25 leh 35-in Liverpool an lo dawr tawh a, mahse Anfield lamin pound maktaduai 50 an phut tlat avangin an in dawr hlawhtling hleithei lo.

Mahse, tunhnaiah Li­ver­pool-in Brazilian mid­fielder Roberto Fir­mino an la lut a, City-in Sterling la lut turin beiseina an nei thar leh. Daily Mail-in an tarlan dan chuan City hian pound maktaduai 40-in Liverpool hi dawr an tum a, a khelh ṭhat dan a zir a pek belh tur leh thil dang behbawm nen chuan pound maktaduai 50 kai chho thei turin an ruahman dawn a ni.