Arsenal dilna an hnawlsak

Premier League champion nih tum Arsenal chuan tlarhma thuamchak an tum a, striker an zawng mek - Gunners hian England striker Ollie Watkins lak an tum, mahse Aston Villa chuan an dilna chu an lo hnawlsawk nghal.

Arsenal hian pound makatduai 60 hum chungin Villa hi an dawr, amaherawhchu kum 29 mi hi Villa chuan hralh an tum lo tih an lo hrilh a, hetih lai hian Jhon Duran erawh Al-Nassr lamah pound maktaduai 80-in an kaltir ngei dawn niin a lang.

Hliam vangin Gabriel Jesus leh Bukayo Saka an chawl mek a, forward Kai Havertz chuan an beisei a phak chiah lo bawk - English striker Watkins hian tun season inelna hrang hrangah match 32 a khelh aṭangin goal 11 a khung tawh; an harsatna su kiang thei turah an ngai a ni.

Khawthlang chanchinbu mite chuan Watkins hi an dawr nawn dawn em, tih an sawi chiang thei rih lo a, hetih lai hian BBC chuan Arsenal hian RB Leipzig striker Benjamin Sesko leh Wolves forward Matheus Cunha te an ngaihven mek niin an ziak.