Dortmund coach tur Kovac

Borussia Dortmund chuan coach atan Niko Kovac an lalut dawn, inremna la ziak chiah lo mah se German club chuan an lalut dawn tih hi an sawi chiang tawh a ni.

Bundesliga club hian kar hmasa a Bologna an hneh loh hnuah an coach Nuri Sahin an ban, a hmun ruakah Kovac hi an la dawn ta a ni - kum 53 mi Kovac hian nikum March thla khan Wolfsburg a chhuahsan a, a hnuah hna dang a la thawk leh lo.

Dortmund managing director Lars Ricken chuan, "Niko Kovac nen inremna kan nei tawh - Pathianni zana Bundesliga kan khelh hunah team a enkawl ang," tiin a sawi, nizan lamah khan contarct an ziah fel ngei a rinawm.

Croatia international hlui Kovac hian team enkawl kawngah tawnhriat a ngah tawh, kum 2013-15 khan an ram team a enkawl a, hemi bakah hian Eintracht Frankfurt, Bayern Munich leh Monaco te pawh a lo enkawl tawh a ni.