Zaninah India vs England

India leh England ten zanin dar 7:00 hian T20 series match nga na khelh tura match lina chu Maharashtra Cricket Association Stadium-ah an khel dawn. T20 match thumnaah England-in hnehna an chan avangin mikhual team tan series lak theihna kawng a la inhawng.

Match thumnaah England hian bat hmasain Ben Duckett (51) leh Liam Livingstone (43) te hmangin 171/9 runs an siam a, India-in 145/9 runs chauhin an chhanglet. India batter-ten Jamie Overton (24/3), Brydon Carse (28/2) leh Jofra Archer (33/2) te an ngam lo. Mualneitu tan zanina hnehna chang tur chuan opener Sanju Samson a rawn chet ṭhat a ṭul tawh ang.