Curry hoin Warriors an chak

Shai Gilgeous-Alexander-a'n point 52 tehmeuh nei mah se Oklahoma Thunder chak nan a tawk zo lo a, an khingpui Stephen Curry awmna Golden State Warriors lakah Thunder hi 116-109 in an chak lo.

Canadian tlangval Gilgeous-Alexander hian chawlhlawk hmain point 31 a nei hman, a team Oklahoma Thunder chu 58-48 in hma a hruaipui a, chak turin an dinhmun pawh a ṭha hman hle.

Amaherawhchu, inkhel chawhnu lamah Golden State an tho chhuak, point 27 neitu Andrew Wiggins leh Stephen Curry te an langsar; Curry hian point 21 a neih zinga 17 chu second half chhunga a neih a ni hial.

Curry chuan, "Kan nghet ṭha takzet, kawng tinrengah khan kan ṭha em em vek a ni. Season kan hmang ṭha tawk lo tih kan hria, chuvangin kan hmabak hoah hian a tam thei ang ber chak kan tum dawn a ni," tiin a sawi.

Chak lo mah se Thunder hi Western Conference hmahruaitu an ni tho a, hnehna changtu Golden State erawh 11-naah an awm, an dinhmun a ṭha rih lo hle, insiamṭha turin hun erawh an la nei thung.