Barcelona an chak zo lo

Hansi Flick-a Barcelona-in Champions League-a table chung ber hauhtu nih theihna remchang nei mah se, an chak zo lo a, Atalanta nen 2-2 in an inhnehtawk - last 16 erawh an lut sa tho a, Catalan club tan hnualna tur a awm lo.

Barca tan Lamine Yamal chuan minute 47-naah goal hmahruai a khung a, Atalanta-in Ederson hmangin minute 67-naah an sut. Barca tan contract thar ziak hlim Ronald Araujo chuan hmahruaina goal khung leh mah se, Mario Pasalic chuan Italian club tan si phurh a sut ve leh a, 2-2 in inkhel a tawp.

Catalan club-in an result avangin harsatna tawk lo mah se, Atalanta tan erawh result lawmawm lo a ni - Barca an hmachhawn hma hian Serie A club hi table-ah pasarihna an ni a, direct-a last 16 lut thei dinhmunah an ding.

Mahse, Atalanta an chak zo lo a, Lille leh Aston Villa an lo chak bawk si avangin top 8 aṭangin an chhuak a, table-ah pakuana dinhmun an luah - playoff an khel ang a, seeded an ni ang.