Rashford telin kan ṭha zawk - Amorim

Manchester United manager Ruben Amorim chuan Marcus Rashford tela an ṭhat zawk thu a sawi a, mahse Portuguese manager hian nizana Romanian club FCSB nen an inkhelh ṭumin English forward hi squad-ah a telh chuang lo.

Amorim chuan, "Rashford telin kan ṭha zawk, chu chu a chiang. Theihna sang tak a nei a, mahse thil awm dan a inthlak a nih loh chuan ka ngaihdan sawh sawn ka tum lo.

"Kan team hi han thlir ula, player ho hi sulhnu hi thlir te u. Tichuan, Rashford theihna ang hi han dah lut leh chiah ula, kan ṭha zawk dawn tih chu a chiang a ni. Mahse, a inthlak phawt a ngai. Amah hi huatna ka nei lo a, mah se dan inang vek hnuaia an awm a ṭul a ni," tiin a sawi.

Rashford hian Man United maatch 426 a khel tawh a, goal 138 a khung tawh a ni.