Go FC an champion

1st February, 2025

BR Studio MFA Futsal Division One Mid-Season Tournament-ah Go FC an champion. Tuikual North club Go FC hian final hmuhnawm bikah Muthi FC chu 5-4 in an hneh.

R. Dengṭhuama Stadium, Mualpuia final inkhelah hun pangngaiah 4-4 a ni a, boruak a ṭang ṭha hle. Go FC player Lalrosanga'n minute 49-naah goal a khung a, chakna goal a khung tawhah a inngai. Mahse, Muthi lamin Jacob Lalrammuana hmangin an sut lehnghal. Extra time khelh a ni a, Lalrosanga'n minute 60-naah hattrick siamna leh chakna goal a khung.

Mid Season Tournament-ah hian final-a Go FC tana goal hmasa pahnih khungtu Jeremy Lalfakzuala chu best player-a thlan a ni.