Mizo lang phak lo

38th National Games neih laia mipa tui hleuh huangah Mizo pahnih Augustine Lalremruata leh P. Lalhlimpuia te chu 50m freestyle huangah an inlan a, mahse final round an lut phak lo.

Mizo pahnih hi wildcard hmanga inlan niin, nimin khan inelna an hmachhawn. Sairang tlangval Augustine Lalremruata hian 33.13 second chhungin a hleuh thleng a, Tlabung tlangval P. Lalhlimpuia hi second 29.32 chhungin a thleng thung.

Mizoram aquatic team hi coach Albert Malsawmkima, Chawlhhmun chuan a hruai a ni.