Pirlo duhtu David Villa

Tun hnaiah Juventus midfielder Andrea Pirlo leh MLS club New York City FC te sawizawm an ni a, Barcelona striker hlui David Villa a lo phur hle.

Kum 36-a upa Pirlo hian kum khat dang la cham turin Juventus-ah contract a nei mek a, mahse Serie A leh Coppa Italia-a a champion pui zawh hlim club hi chhuah­san a duh nia sawi a ni.

Spain international striker ṭhin Villa chuan, "Pirlo hi chu player ropui bik a ni a, football tana player pawimawh leh footballer dang zawng zawng tana entawntlak a ni. Career ropui tak a hman avangin ka lawmpui a, New York City-ah a lo kal dawn em ka hre lo. Mahse, a lo kal a nih ngat chuan ka lawm viau ang," tiin Pirlo chu khelhpui a chak thu a sawi.

Manchester City neitu te club tho New York City FC-ah hian khawvel huap player langsar zingah David Villa leh Frank Lampard te an awm a ni.