McClaren-a assistant tur Ian Cathro
Newcastle United chuan an manager thar Steve McClaren-a assistant turin Ian Cathro an la lut dawn. Magpies leh Catrhro te hi a thuphungin an inbe fel tawh.
Kum 28 leka upa Scottish coach Cathro hian season hmasa khan Valencia-ah coach Nuno Espírito hnuaiah a hun a hmang a, chhungkaw thil chhuan lamin kum khat chiah a cham hman tihin Valencia hi a chhuahsan.
Portuguese club Rio Ave-ah pawh assistant manager lo ni tawh Ian Cathro hian kum naupang te nichungin coaching lamah tawnhriat a ngah tawh hle. Inhliam vanga a inkhelh rei theih loh avangin rawlthar mai a nih laiin coaching school a lo din tawh.
Kum 22 leka upa a la nih laiin Scottish club lar Dundee United youth academy-ah coach hna a chelh a, kum li hnuah Scottish Football Association hnuaiah a thawk leh bawk.
Glasgow Rangers nena sawi zawm ni hman Cathro hian Rio Ave-a a cham laiin a pu Nuno nen Portuguese club hi cup final vawi hnih luhpuiin league-ah parukna an nih pui a. club chanchina a vawi khat nan Europe-ah an inlan pui.
Season hman zawh takah khan Valencia chu hun rei tak an khelh tawh loh Champions League khel thei turin La Liga lamah an chet ṭhat pui bawk a ni.