Jara chetdan chhui chiang dawn

Copa America quar­terfinal-a Chile-in Uru­guay an hneh ṭumin Chile defender Gonzalo Jara chu mawi lo takin Uruguay forward Edinson Cavani chungah a khawsa a, he thil thleng hi South Ame­rica football-a thuneitu sang CONMEBOL-in a chhuichiang dawn.

Television replay-ah Mainz midfielder Jara hian Cavani mawng a kawm tih chiang takin a lang. PSG forward Cavani hian West Brom defender hlui hi a nam a, Jara hi a tluk der zui avangin referee-in Cavani a hnawtchhuak a, Chile defender erawhin hremna a pumpelh.

Uruguay forward hnawh­chhuah a nih hnu­ah Chile tan Mauri­cio Isla-a'n a khung a, inelna thlengtu Chile hian semifinal-ah Boli­via hnehtu Peru an hmachhawn ang.

Kum 2013 khan World Cup qualifier-ah Jara hian Cavani chunga a chetdan chiah hian Uruguay foward Luis Suarez chung­ah a lo che tawh a, Barca forward hian Jara hi a hmaiah a hnek avangin hnawhchhuah a ni.

Uruguay defender Diego Godin chuan, "Television-ah engkim a chiang a, thil thleng dan kha ka sawi nawn a ṭul tawh lo. CONMEBOL hian nikuma FIFA-in Suarez an hrem ang khan Jara chungah hian thutlukna an siam ka beisei," tiin Jara-a'n hrem a phu thu a sawi.