Suarez-a'n Uruguay a chhan

FIFA World Cup 2014-a Italy defender Gior­gio Chiellini a seh vanga Copa America khel thei lo Luis Suarez chuan Uruguay sawi­­seltute chhang­in an ram player-te a chhan.

Copa America champion lai Uru­guay hi kar hma­sa Nilaini khan Chile lakah 0-1 a tlawmin quarterfinal-ah an tla a ni.

Barcelona forward chuan, "Ka ṭhiante, an theihna zawng zawng Uruguay kawr ropui tak ha chunga lantir tu te hnenah lawmthu ka sawi a ni. In inpekna ropui tak avangin sawi tur ka haihchham a, Uruguayan ten kan hmachhuan ber chu nangni hi in ni," a ti.

Liverpool striker hlui chuan Uruguay sawiselute chhangletin, "Uruguay khelh dan sawisel ṭhintute hnena ka sawi duh chu Copa America title vawi 15 kan chawi tawh tih hi a ni. Min sawiseltute khan in ram team hlawhhchhuah kha en ula, eng nomawi mah hmuh tur in nei lo ang. Uruguay kal zel ang," tiin Copa America la chawi ve miah lo Chile a tih el.