Shooting-ah Serpents an champion

10th Aizawl District Air Rifle/Air Pistol Shooting Competition 2015 chu Inrinni khan MRA shoo­ting gallery, Kulikawnah zawh fel a ni.

Aizawl District Rifle Associa­tion hnuaia club hrang hrang 23 aṭangin shooter-te'n metre 10-a thuiah inelna hi June 25-27 inkar khan neih neih a ni a, category 15-ah inelna hi neih a ni.

Serpents Club-in gold paruk lain champion an ni a, Black Hole Club-ten gold panga lain pahnihna an ni thung. Club 23 te hi category 15 ah an inel a ni.

Silai inkahsiak kharna hun­ah hian Lalbiakzama, Senior Vice President, Mizoram Rifle Asso­ciation chu khuallian a ni. Lalbiakzama chuan "Mualpuia multipurpose complex-ah silai kah lama tuite tan shooting range thar tur sports minister-in min pe a, kan lawm hle a ni" a ti. Tunah hian MRA hian national shooters 16 an nei mek a ni.

ADRA-in silai inkahsiak an buatsaih hi Mizoram Rifle Asso­ciation Calendar anga buatsaih a ni a, August-ah state championship a awm ang. Tuna tṭhate hian Aizawl District ai an awh ang. Chuta ti­ṭha­te chuan September thlaah Imphal, Manipur-ah hmarchhiak bial inel­naah Mizoram aiawhin an fehchhuak ang.