Atletico Madrid pan tur Martinez

Porto striker Jackson Martinez chuan season tharah chuan Atletico Madrid tan a khelh tur thu chu a sawi chiang ta.

Kum 28-a upa striker hi Premier League club Arsenal leh Italian club AC Milan nen pawh sawi zawm lo ni tawh ṭhin mah se tunah chuan Spain a pan dawn tih a chiang tawh a ni.

Zirtawpni khan Co­lom­bia striker chuan, "Season tharah chuan Atletico tan ka khel dawn tih hi thu chiang a ni tawh. Spain ka pan tur hi ka hlim hle a ni," tiin Copa America quarterfinal-a Argentina an hneh loh hnuah a sawi.

Kum 2012 khan Mar­tinez hian Chiapas aṭanin Porto hi a pan. Portugal-a hun a hman chhungin match 90 khelin goal 67 zet a khung hman. Season thum hun a hman chhung hian Primer Liga-ah top scorer a ni vek a ni.

Diego Simeone team-ah hian an striker kal chhuak ta Mario Mandzukic hmun ruak a luah khat dawn a ni.