Cascarino-a'n Benteke hralh turin Villa thurawn a pe
Aston Villa player hlui Tony Cascarino chuan a club hlui hnenah thurawn pein Belgian striker Christian Benteke chuan Villa Park chhuahsan a duh a nih chuan chhuah tir mai turin a ti.
Republic of Ireland striker rinrawl ni ṭhin Cascarino chuan, "Villa te ang club ropui tana khel phak tur chuan vanneih a ngai em em a, ka ngaihdan chuan player ber club-ah a tui tawh loh chuan hralh mai hi a finthlak a ni," a ti.
Cascarino chuan Benteke rimtu nia sawi Manchester United, Liverpool leh Roma te chuan Belgian striker man zat atana an chhiar zat pound maktaduai 32 chu insen an huam a rin loh thu sawiin, "Club tana khelh tui tawh lo player kawl reng hi ka ngaihdan a ni ve lo. Amah duhtu club-te hian pound maktaduai 32 hi sen an inhuam em tih hi zawhna awm chu a ni. Rei tak a inhliam hnuah a rawn kir leh a, Benteke kan hmuh ṭhin ang kha a ni tawh lo. Tim Sherwood-a'n Villa a enkawl hnuah ngai a rawn awh chho a, mahse thla li chhung chauh a ni," tiin Benteke chuan ngai a la awh tak tak lo niin a sawi.