Brazil coach a insawifiah

Copa America-ah Brazil-in semifinal an thleng zo lo a, inkhelh banah coach Dunga a insawifiah.

Brazil boss Dunga chuan, "Tunkar khan kan player 15 chu hri leng vangin an damlo a, training pawh kan duh angin kan nei thei lo. Player ṭhenkhat khan lu na, hnung na leh khawsik an nei a, na zual bik an awm bawk. Hun tawpah tlan chak player kan mamawh a, amaherawhchu kan player-ten 100% fitness an neih loh vangin an theihna an phochhuak thei lo," tiin an chak loh chhan sawi.

Hun pangngaia Bra­zil tana goal khungtu Robinho chu minute 87-naah Everton Ribeiro-a'n a thlak a, Al-Ahli Dubai FC midfielder hian a pet goal lo.

Robinho chuan, "Field chhunga awm zel a, penalty pet kha ka duh a ni. Chutihrualin coach thuthlukna kha ka zah a ngai si. Tuna kan chak lohna hi player pakhat vanga chak lo kan ni lo a, team pumpui chak lohna a ni a, kan hmachhawn a ngai a ni," tiin a sawi.