Jara chet danah Mainz an lawm lo

Copa America quar­terfinal-a Chile leh Uruguay an inkhelh ṭuma che mawi lo tak Gonzalo Jara chungah a club khelhna Mainz an lawm lo a, amah duhtu club an awm phawt chuan an player chu hralh nghal an duh thu an sawi.

Kar hmasa Nilaini khan Copa America thleng­tu Chile leh Uru­guay ten quarterfinal an khel a, Jara hian Uru­guayan striker Edison Cavani mawngah khawihin a tlu der zui a, amah namtu Cavani-a'n red card a hmuh phah.

Jara chet dan hi Uruguayan Football Association hnen aṭanga sawiselna a awm a nih chuan CONMEBOL-a disciplinary committee ten an ngaihtuah zui dawn a, Chile defender hian hremna theih a pumpelh a rinawm loh.