Chile barakhaih tumtu Peru

Peru coach Ricardo Gareca chuan semifinal-a an khingpui tur Chile chu an hneh theih a rin thu a sawi. Naktuk zing dar 5:00 hian Copa America thlengtu Chile leh Peru te chu Santiago-ah an inkhel ang.

Captain Paolo Guerrero hattrick hmangin Peru hian Bolivia chu 3-1 in an hneh a, Thawhlehni zingah pawh hian kum 31-a upa striker hi Peru innghahna tur a ni leh ang.

Arsenal forward Alexis Sanchez leh Gunners nena sawi zawm mek Arturo Vidal te hian an ramah ngei champion nomawi chawi an duh avangin chak loh an tum hauh lo ang.

Kum 57-a upa manager chuan, "Kan rilruin chak duhna thinlung a put tlat chuan eng team pawh hneh thei turin kan ṭha ve tawk. Hei leh chen hi kan kal tawh avangin a tawp thlen ngei kan duh. Chile hi a thlengtu an nih vangin ṭantu an ngah em em a, player langsar leh ṭha tak tak an awm bawk. Mahse kan hneh thei a ni tih kan hriat a ṭul," tiin a sawi.