United-ah De Gea-a'n kei aiin medal a la tam thei - Schmeichel

Manchester United keeper ropui Peter Schmeichel chuan Real Madrid nena sawi zawm David de Gea-a'n English club tana a khelh chhunzawm zel chuan anni aia medal a lak tam theih thu a sawi.

Danish keeper Schmeichel chuan, "De Gea hian tun nipuia United a chhuahsan a nih chuan lung hnur khawp ang. A chhan chu De Gea hian United tana khelh chhunzawm zel chuan vawi za chuang fe club tan a inlan thei dawn a, kei aiin medal a lam tam thei dawn a ni," tiin a sawi.

Schmeichel hian Old Trafford-a a cham chhungin nomawi 15 a chawi a, chung zingah chuan Premier League panga leh Cham­pions League pakhat a tel.

United legend chuan sawi chhunzawmin, "Louis van Gaal chu ni ila, David hi chelh turin ka theihtawp ka chhuah ang. Season hnuhnung pahniha David-a chet dan kha thlir ila, United tan point a hlawhchhuak tam khawp mai. Amah vang chauhin nikum khan palina an ni a, contract ṭha tak pek hi a phu a ni," tiin a sawi.