Euro U21 Portugal lakah Germany an mualpho

European Under21 Cham­pionship final-ah Portugal leh Sweden an inkhel dawn. Inrinni zan khan Portugal hian semifinal-ah 5-0 zetin Germany an sawp a, Sweden-in 4-1 in Denmark an sawp ve bawk. Final hi Thawhlehni zanah Prague, Czech Republic-ah khelh a ni ang.

Portugal hian 1994 final-ah Italy an hneh lo a, tun hi an final an luh vawi hnihna chauh a ni. Portugal hian group stage-ah England hnehin Group hmahruaitu ni mah se an khingpui Germany hi inkhelh hmain dah san zawk an ni.

Portugal tan first half-ah Bernardo Silva, Ricardo leh Ivan Cavaleiro ten goal an khung a, second half-ah Joao Mario leh Joao Cancelo ten an khung leh bawk. Minute 74-naah Germany substitute Leonardo Bittencourt chu hnawhchhuah a ni a, 2009 champion tan chak loh chhuanlam atan hman theih a ni lo.

Semifinal pakhat zawkah Sweden-in John Guidetti leh Simon Tibbling te hmangin first half-ah hma an hruai. Minute 63-naah Uffe Bech hmangin Denmark-in beisei nei mah se Sweden tan substitute Robin Quaison leh captain Oscar Hiljemark ten hun tawp hma hretin goal an khung leh a. Sweden 4-1 in an chak.