Arsenal leh beiseina

Premier League season chawhnu lam an hmang ṭan chauh a ni a, mahse Arsenal tan chuan Manchester City hmachhawn kha 'chak ngei ngei ngaihna' a ni der tawh. Chak lo ni se la chuan an tan EPL title beisei zui ngam a harsa tawh ang.

Mikel Arteta leh a nauten an hna an tlin a, an chunga awm Reds chu inthlahdah thei miah loin an siam bawk. Arteta chuan, "Player ten an theihna tak an hre chiang a, inkhel boruak sang leh hautakah hnehna kan chang thei a ni tih hi a takin an hre tawh.

"Team ṭha tak pahnih kan inkhel a ni a, tihsual zeuh chuan chak lo nghal thei ve ve kan ni. Chutiang kara hnehna changtu zawk kan ni thei hi a lawmawm," tiin a sawi a, a naute chu inelna hautak hmachhawn turin an puitling ta niah a ngai.

Hale End chhuak Myles Lewis-Skelly leh Ethan Nwaneri te senior team tan an khel phak a, mualchhungah danglamna siamtu an ni chho mek. Arsenal academy chungchang sawiin Arteta chun, "Tun dinhmun an thlen theih nan hian mi tam takin tha an thawh.

"Mi hrang hrang finna hmanga chher hriam an ni a, an club hmangaih tana ṭha taka an khel thei hi anmahni pawh an lawm ang," tiin a sawi. Player chher chhuak thei nih hi a hlu, club khelh dan phung an thiam nghal bakah club tan an rinawm ṭhin bawk.