Chanmariin Rashid an la lut

Chanmari FC chuan I League 2 atan Bengaluru FC aṭangin attacking midfielder Rashid CK an la lut. Kum 20 mi Rashid hi Nilambur, Kerala-a piang a ni a, tawnhriat lian tham la nei lo mah se Reliance Foundation Development League-ah hming a chher tawh thung.

I League 2-ah Chanmari hian match hnih khel tawhin Neroca (1-0) leh United Sports Club (4-1) te an hneh tawh a, February 7, Zirtawpni hian Sporting Clube de Goa an mikhual ang. Rashid hian Mizo rawlthar talent nei ṭha Michael Lalbiaksanga nen khelhna hmun an inchuh ang.

Goan club Sporting hian an match hmasa berah February 2, Pathianni khan Diamond Harbour 2-1 in an hneh lo. Kolkata club Diamond Harbour hian I League 3 final-ah Chanmari pawh an lo hneh tawh a ni.