Spurs-in Danso an la lut

Tottenham Hotspur chuan Lens defender Kevin Danso chu season tawp thleng atan loan-in an la lut a, Wolverhampton Wanderers-in lakluh tum ve tho mah se, Spurs-in an chang ta zawk - season tawpah a nghetin an lei zui ang.

Club pahnih inrem dan chuan Danso hi season tawpah Spurs hian pound maktaduai 21-in an lei ang a, kum 26 mi defender hian kum nga chhung London club tana khel turin contract a ziak dawn bawk a ni.

Austria international Danso hi English football-ah a mikhual lo. A naupan laiin English club tenau Reading leh Milton Keynes Dons academy-ah te a lo awm tawh a, FC Augsburg tana a khelh laiin Southampton-ah loan-in a lo khel tawh bawk.

Tottenham hian Ningani zan dar 1:30-ah League Cup semifinal second leg-ah Liverpool an hmachhawn dawn a, Danso hi inlan nghal thei tura beisei a ni.

Spurs hian tlarhma inthuamṭhat tumin transfer bazar-ah mit an len a, mahse, centre back Radu Dragusin chuan a khupah hliam tuarin, Spurs tlarhnunga inhliam mek Cristian Romero leh Destiny Udogie te damdawi in lamah a zawm.

Hei vang hian Spurs hian Lens centre back Danso hi hmanhmawh takin an la lut a, hliam vanga rei tak a chawlh hnuah Micky van de Ven a lo kir hnai bawk.