Barca goal 2 khungtu Messi

Barcelona foward Lionel Messi chuan Nou Camp-a chhuahsan loh tur thu a tihchian hnuah a hna ngai a thawh chhunzawm a, pre-season friendly-a 3-1 a Girona an hnehna inkhelah goal hnih a khung. 

Catalan club tan hian Philippe Coutinho pawhin Spanish football-ah hma hun a la nei ve a nih tih pholangin goal a khung bawk a, Coutinho goal khung tur  Francisco Trincao-a'n a assist theih nana hnathawktu pawh Messi tho a ni. 

Messi goal khung pahnih hi long range shot hmanga lut ve ve a ni a, a hnuhnung zawk hian player dang a per hnuah a lut - kum 33 ni tawh mah se Messi a la thiam reng tih a lang. 

Barcelona hian he inkhelah hian player 20 ngawt an hmang a, chhuak tur anga sawi Uruguayan forward Luis Suarez leh Chilean midfielder Arturo Vidal-te chu inlan zingah an tel lo. 

Catalan club hian September 19 zanah season ṭan hma inbuat-saih nana an khelh ṭhin Joan Gamper Trophy an khel dawn a, Elche an hmachhawn ang - La Liga season ṭan nan September 26 emaw 27-ah an inlan dawn chauh a, Villarreal an mikhual ang.