Wimbledon khel thei lo tur Ferrer
David Ferrer chu a kiu hliam vangin nimin aṭanga khelh ṭan Wimbledon aṭangin a inhnukdawk.
Tun tournament-a seeded pariatna Ferrer hi first round-ah Britain kum 28-a upa James Ward nen inkhel tura tih ni mah se a hliam vang hian a inkhel thei dawn lo a ni. A hmun ruak hi Italian star Luca Vanni chuan a hnawhkhat zui nghal ang.
Kum 33-a upa Ferrer hi Wimbledon-ah hian la champion chiah lo mah se kum 2013 khan quarterfinal a lo thleng tawh a ni.
A hnam pui pa inhliam hi Rafael Nadal tan chuan chanchin lawmawm a ni thung daih thei awm e. Anni pahnih hi an chak chho zel a nih chuan fourth round-a intum tur an nih avangin Nadal tan chuan midang hmachhawn a chakawm zawkin a rinawm.
Nimin tlai khan Wimbledon champion lai Novak Djokovic chuan Centre Court-ah Germany star Philipp Kohlschreiber a hmachhawn a, result erawh kan hre hman lo.