European Games a ṭiak ta

Azerbaijan khawpui Baku-a June 12 aṭanga neih ṭan European Games 2015 chu Pathianni zan khan Olympic Stadium-ah ropui taka khar a ni ta.

He infiammite intawh khawmna hunpuiah hian Europe ram hrang hrang 50 aṭangin infiammi 6,000 zet te chu infiamna chi hrang hrang 20-ah an inel. Infiamna chi hrang 20 hi item 253-ah ṭhen hran a ni leh bawk. European games hi an vawi khat neihna a ni.

European Games-ah hian Gold medal 79 la tu Russian Federation chu pakhatna niin a thlengtu Azerbaijan chuan gold medal 21 laiin pahnihna an ni thung.

Mizo mipuite ngaih­ven England chuan gold medal 18 laiin pathumna dinhmun an luah.

Britain hi infiamna dang zawng aiin tuihleuh­ah an che ṭha a, tuiah bik hian gold medal 11 ngawt an la a ni. Duncan Scott a che ṭha fal hle a, amah chauhin tuihleuhah hian gold medal pathum leh silver medal pathum bawk ala a ni.