Jara match thum an hrem

Uruguay forward Edison Cavani laka chemawi lo Chilean defender Gonzalo Jara chu match thum khel thei lo tura hrem a ni a, Copa America khelh mekah a inlan thei tawh lo ang.

Nilaini quarterfinal-a Chile leh Uruguay inkhelh ṭumin Jara hian Cavani mawng a kawm a, a tluk der zui avangin Uruguay forward hi hnawhchhuah a ni. Inelna thlengtu Chile hian player 10-a khel Uruguay 1-0 in an hneh zui bawk.

Kum 2013 khan Jara hian 2014 World Cup qualifier-ah Uruaguay an khelh ṭumin Luis Suarez mawng a lo kawm tawh a, hemi ṭum hian Barcelona forward hian Chilean defender hi a hnek avangin hnawhchhuah a ni.

Jara khelhna Bundesliga club Mainz pawh an player khawsak danah an lawm lo takzet a, Chilean defender hi diltu an hmuh phawt chhuah chuan chhuah tir an duhthu an sawi.

Tukin zing khan Jara tel loin Copa America semifinal-ah Chile-in Peru an hmachhawn ang.