New York Derby-ah Andrea Pirlo a inlan

Serie A-a Juventus champion puitu Andrea Pirlo chuan Pathianni khan Yankees Stadium-ah New York City leh New York Red Bulls te inkhel a thlir a, Italian midfielder hian Major League Soccer club hi season tharah a zawm dawn tih a chiang viau ta.

Pirlo hian Juventus-ah kum khat contract la nei mah se chhuah a duh chuan Italian club hian an dang dawn lo. Kum 37-a upa midfielder nena sawi zawm New York City hian Spanish forward David Villa bakah Frank Lampard te an la lut tawh.

Barcelona forward hlui Villa hian New York City-in an hmelma New York Red Bulls 1-3 a an hneh loh ṭum hian a khel a, Lampard erawh Pirlo nen inkhel an en dun thung.

Kum 34-a upa Lam­pard hian karleh aṭangin team practice a zawm ang. Beisei anga Italian midfielder contract chungchang inbiakna a kal tluang a nih chuan NYCFC-in July 12-a Toronto FC an hmachhawn hunah midfielder ropui pahnih Pirlo leh Lampard te hi New York City tan an khelh rin a ni.