Red Bull boss Horner-a'n a contract pawtsei

Red Bull team boss Christian Horner chuan a contract neih lai chu a pawh sei thu a sawi. For­mula one construction champion vawi li lo ni tawh nen hian an inremna zat leh hun chhung erawh tarlan a ni lo thung.

Thuthang ṭhenkhatah chuan Horner hian Red Bull hi a chhuahsan dawn niin an sawi a, mahse he thuthang hi a dik lo ani tih tunah chuan a chiang ta.

Red Bull hian kum 2010 aṭanga 2013 chhung kha hneh­sawh takin construction championship-ah hma hruai mah se nikum aṭang khan Mercedes hnuaiah an awm.

Kuminah phei chuan Mer­cedes mai bakah Ferrari pawh an el phak lo hle a ni. Championship-ah point 47 hmuin palina an ni mek a, hmahruaitu Mercedes nen an inthlauhna chu point 273 zet a ni tawh. Hetiang boruak a nih avang hian Horner hian a team hi a chhuhsan ring tu pawh an tam hman hle a ni.

Kum 41-a upa Horner chuan, "Thuthang lengvel hian min ti buai lem lo. Tuna ka tum ber chu thla 18 liamta a Red Bull team ang kha din leh a ni tawp mai. Hmabak ka la neih avangin ka chhuak dawn lo a, he team nen hian kan inzawmna a ṭhat em avangin harsatna kan tawh lai hian ka chhuahsan lo ang," tiin a sawi.