China lam pan tur Demba Ba
Chelsea striker hlui Demba Ba chuan a club khelh mekna Besiktas chhuahsanin Chinese Super League club Shanghai Shenhua a zawm.
Shanghai Shenhua hian kar hmasa Ningani khan Mali international leh Liverpool midfielder hlui Mohamed Sissoko chu an lo la lut tawh bawk.
Senegal international Ba hian Turkish Super Lig club Besiktas tan vawi 44 a inlanah goal 27 a khung thei a, kum khat chiah Turkey-ah hian a hun a hmang hman tihin Didier Drogba leh Nicolas Anelka te lo khelh tawhna Chinese club lam hi a pan dawn ta a ni.
Kum 30-a upa striker hian Hoffenheim, West Ham, Newcastle United leh Chelsea-ah te a hun a lo hmang tawh a, West Brom lamah kal tur anga sawi thuthang awm mah se China lam hi a pan ta zawk a ni.