Milan nen kan inrem tawh - Bacca

Sevilla forward Carlos Bacca chuan a agent Sergio Barila thusawi nem­nghetin AC Milan nena an inremthu a sawi.

Colombia-in Copa America se­mi­final-ah Argen­tina an hneh loh hnuin Sevilla for­ward hian an ram an thleng leh tawh. Bacca chuan, "Nitinin club hrang hrang nen min sawi zawm a, thutawp siam a hun ta. Milan nena inremna kan siam tawh tih hi thudik a ni," tiin DeportesEH-in an kawm ṭumin a sawi.

Kum 28-a upa Sevilla striker chuan sawi chhun­zawmin, "Milan nen kan inbia a, ka aiawh nen an inbe tawh. Italian club hian min la lut turin 100% chance an nei a, ziakin kan la dah lo mai chauh a ni," tiin Italian club a zawm tur thu a sawi chiang.

Bacca hian kum hnih chhungin Sevilla tan match 71 khelin goal 34 a khung. An ram Colombia tan vawi 20 a inlan tawh a, goal sarih a khung tawh bawk.