Kuminah Gatlin a la tlan chak ber

Pathianni khan American Athletics Championships-ah tunlai sprinter ngaihven hlawh ber te zing ami Justin Gatlin chuan khawvela 200m tlan thleng rang ber pangana record a siam.

American sprinter hian Qregon hmunah second 19.57 chhungin 200m a tlan thleng. Kumin May thlaa second 19.68 chhunga a lo tlan thlen tawh chu a khum a ni.

Kumin bikah chuan Gatlin hian mipa intlansiak a thunun hneh hle a; 100m pawh second 9.74 chhunga tlan thleng­in ani aia tlanchak an awm lo. Amaherawhchu Jamaican sprinter Usain Bolt a World record 100m (9.58 secs) leh 200m (19.19 secs) chu ala tluk lo thung.

August thla hian Beijing-ah World Championships a awm dawn a, anni pahnih hi mipui ngaihven ber tur an ni ngei ang.

Kum 33-a upa Gatlin chuan, "Ka hma­bak ka lo hlen zo lo. Tunah hian ṭha takin intlansiak hmachhawn rih mah ila a pawimawh World record ka siam loh avangin a tawp ka la theng rih lo. Tunah hian ka taksa a hrisel ṭha in inrintawkna ka nei ṭha em em. Beijing-ah pawh hei hi chhawm zel ka duh ang," tiin a sawi.

Mipa 200m tlan chak te:-

Pos. Sprinter Hun hman

1. Usain Bolt 19.19 seconds

2. Yohan Blake 19.26 secs

3. Michael Johnson 19.32 secs

4. Walter Dix 19.53 secs

5. Justin Gatlin 19.57 secs