Brazil mipa an thiam ber

Rio Olympic thlengtu ram Brazil Mipa volleyball chuan a tawp niah hlimna dang an tawn belh leh. Mipa volleyball team chuan Italy chu 3-0 a hnehin tun ṭum hi inelna liana an gold medal pa-sarihna leh hnuhnung ber a ni bawk.

2012 London-ah khan Brazil hian final-ah match point vawi hnih an hmuh an chhawr ṭang-kai theih loh avangin Russia lakah gold medal an lo hloh tawh a, tun ṭumah erawh an chesual nawn lo - Olympic mipa volleyball-a ṭum hnih an champion -na chiah a ni.

2008 leh 2012 final-a a chak lo lama ṭang tawh veteran Brazilian volleyball player Libero Serginho chuan, "Inah haw thuai thuai ka chak a, ka fate kiangah ka hun tawn ropui zia hrilh ka duh. Nunphung pangngaia nun hman leh hlan ka nghakhlel a, tunah chuan ka duhthusam rawn thleng dik ta hi ka lawm lutuka awm ngaihna ka hre lo hial a ni," tiin champion an nih hnuah nunphung pangngai a hloh hial thu a sawi chhuak.