EFL Cup Chelsea leh Liverpool inlan dawn

League Cup tia hriat ṭhin EFL Cup second round chu zanin hian khelh a ni dawn a, Pre-mier League club langsar zingah Chelsea leh Liver-pool an inlan dawn.

Chelsea leh Liverpool hi Europe-a inlan pha lo Premier League club 13 zingah an tel avangin EFL Cup second round aṭanga an inlan a ngaih phah. Blues hian zanin dar 12:15-ah Bristol Rovers an mikhual ang a, a hun ngaiah Reds chu Burton Albion khelmualah an lenglut bawk ang.

Antonio Conte hnuaia an league match hmasa pahnihah Chelsea an chak ve ve a, Italian manager chuan, "Inrintawkna nei zel tur chuan chak hma hi a pawimawh a, chumi hmang chuan player-te ah inrintawkna kan tuh tur a ni. Kan tana pawimawh ber chu hnahna chan zel hi a ni," tiin a sawi a, League One club lakah chak tumin an khel ang.

Liverpool-in an league match hmasa berah Arsenal 4-3 in hneh mah se Burnley lakah 2-0 in an mualpho a, inkhel pahnihah Reds tlar hnung ten kawh rawn an hlawh nasa hle. Reds manager Klopp chuan, "Insiam-
ṭhat tumin theihtawp kan chhuah a, Burnley-a kan tihsual ang khan tihsual nawn a thiang tawh lo. Ball pek sual tih vel hi kan training-ah kan zir tel lo," tiin a sawi a, Championship club an hmachhawn hunah a tlar hnungah hmasawnna hmuh a duh dawn.

Premier League club lian pahnih hian Inrinni zan khan league match hautak an khel ve ve a, zaninah an player ṭha zawkte an chawlh hahdamtir a nih pawhin thil mak a ni lo ang.