England squad-ah Joe Hart tan hmun a awm

Coah thar Pep Guardiola enkawlna hnuaiah Manchester City goalkeeper Joe Hart-a'n khelhna hmun la chang lo mah se England manager thar Sam Allardyce chuan English keeper hi Slovakia nen World Cup qualifier-a an inhmachhawn hunah a koh tur thu a sawi.

Big Sam chuan, "Club tana regular taka khel lo player pawh thlan an ni thei a, chutihrual chuan club tana khel ṭha leh hmun chang hnem erawh ka koh ngun ber turte an ni. Joe Hart chungchang kan sawi dawn a nih chuan keeper ṭha tak a ni a, squad aṭanga paih phal chi a ni lo. Slovakia kan hmachhawn hunah ka ko ngei ang a, a hmalam hun zel turah erawh inkawmna kan la nei lo," a ti.

England tana vawi 63 inlan tawh keeper hian loan-a City chhuahsan a tum nia tarlan a ni a, English keeper hian amah duhtu langsar zingah Sevilla leh Borussia Dortmund a pan duh loh thu BBC-in an tarlan avangin Everton chu tun dinhmunah Hart hnaih bertu an ni.