PSG an kal zel

Paris Saint-Germain chuan Pathianni zan khan Unai Emery enkawlna hnuaia an khelmuala an match hmasa ber an khel a, an mikhual Metz chu awlsam takin 3-0 in an hneh.

Ligue 1 champion team tan Lucas Moura chuan goal hmahruai a khung hnuah tun hnaia khel ṭha thei tak Layvin Kurzawa chuan an goal hnihna a khung leh bawk a, Metz defender Jonathan Rivierez chuan an mualpho belhchhah turin an lamah a ti lut palh bawk.

PSG coach Laurent Blanc-a'n season thum PSG a enkawl chhungin league nomawi a chawi vek a, mah se French club hausa hian Ligue 1 chauh duh khawp loin Europe-a champion an duh miau avangin kum 50-a upa manager hi banin Unai Emery an lalut.

Sevilla-a season thum chhung a zawna Europa League nomawi chawi thei coach hian Ligue 1-a a match hmasa berah chak hmel hmu nghal mah se a fiahna tak tak inṭan hun tur erawh Champions League khelh ṭan hunah a ni ang.

Pathianni zan results

Guingamp 2 - 1 Olympique Marseille

Saint-Étienne 3 - 1 Montpellier

PSG 3 - 0 Metz