Eto leh Sampdoria an inṭhen

Cameroon star Samuel Eto-a'n Serie A club Sampdoria-a a contract neihlai chu hmang zoin a chhuak.

Everton-ah hun rei vak lo a hman hnuin January thla khan Eto hian Samprodia hi a zawm a, a club tan hian match 17 khel hmanin goal hnih a khung.

Eto hian Turkish club Antalyaspor a pan ngei tura ngaih a ni a, tunhmaa Barcelona tana a lo khelhpui ṭhin Ronaldinho nen Antalyaspor-ah hian an khel dun leh tura ngaih a ni.

Thuchhuah siamin Sampdoria president Massimo Ferrero chuan, "Kan hnena in awm chhung kha rei lo hle mah se player ropui i nih vangin i hnen aṭangin thil tam tak kan zir hman. I kal zel na turah duhsakna sang ber kan hlan a che," a ti.

Kum 34-a upa stri­ker hian a vanglaiin Barcelona leh Inter Milan Champions League-ah a lo champion pui tawh.