World Cup qualifier aṭangin Bardados an hnawt chhuak

FIFA-in CONCACAF World Cup qualifier aṭangin Barbados an hnawt chhuak.

Barbados hian Aruba an hneh ṭumin player khel thei lo an chhawr lui a, hremna an tawrh phah. Barbados hi first leg-ah goal hnihin an chak a, second leg-ah an khelmualah 1-0 in an chak leh bawk.

Amaherawhchu an khelmuala chakna goal khungtu Hadan Holligan-a'n match hmasa lama yellow card vawi hnih a hmuh tawh avangin match khat hrem tur a ni a, an khelh luih tir avangin FIFA-in second leg-ah Aruba 3-0 a chakah an puang.

Hei vang hian first leg-a 2-0 a chak Barbados chu aggregate-ah 3-2 in an chak lo. Barbados hi an chak loh bakah Swiss Franc 6000 (Rs 4,10,896) chawi tir an ni.