United-ah Jones a rinawm

Manchester United defender Phil Jones chuan June 2019 thleng daih contract thar a ziak.

Kum 23-a upa Jones hian kum 2011 khan Blackburn Rovers aṭang­in pound maktaduai 17-in United a zawm. Defender ṭha Rio Fer­dinand leh Nemanja Vidic te hun lai a tawng a, inhliamin a tlak buak bawk avangin kum li chhungin vawi 128 chiah club tan a inlan.

Manager Louis van Gaal chuan, "Phil hi defender naupang tak, engtiklai pawha hma­sawn duh mi a ni," tiin a sawi.

Nikum season khan Jones hi United tan vawi 22 a inlan a, Premier Lea­gue-ah palinaah an awm.

Van Gaal chuan, "Season tawp lam khan inhliam vangin a inlan thei lo a, khatih hunlaia a khawsak dan leh a rilru put hmang kha ka duh dan a ni," tiin a fak.

Jones hian October 11-a England leh Mon­tenegro inkhel ṭumin ram tan a khel ṭan a, ram tan vawi 11 a khel tawh.

English defender chuan, "Ka hun tawn chin hi nuam ka ti a, chu­vangin hun rei zawk cham ka duh a ni. Player ka nih angin hmasawn zel ka tum ang," tiin a sawi.