Paulinho-a'n China a pan

Chinese Super Lea-gue champion lai Guangzhou Evergrande chuan Tottenham Hot-spurs aṭangin Brazilian midfielder Paulinho an lakluh thu an puang.

Kum 26-a upa Pau-linho hian kum 2013 khan Brazil club Corinthians aṭangin Spurs a zawm a, London club hian a manah pound maktaduai 17 bawr vel an seng. Kum hnih liam hnuah Paulinho hi Guangzhou hian pound maktaduai 9.9 sengin an la lut ve leh ta a ni.

Season hman zawh takah khan Paulino hian Spurs tan Premier League match vawi 27 a khel a, heng zinga vawi 12-ah hian substitute bench aṭangin a inlan.

Brazil tana vawi 32 inlan tawh Paulinho hian Chinese club-ah hian kum li cham turin contract a ziak a, China-ah hian tun thla tir a Guangzhou zawm tu ve tho Brazil coach hlui Luiz Felipe Scolari nen an inhrawn dawn a ni.

Guangzhou hi Chi­nese Super League-ah pathumna an ni mek a, hmahruaitu Beijing Guoan chu point hniha umpha loin a zawna vawi nga champion ngei tumin inlak ṭhat zel an la tum.