Chelsea-ah Nkunku a cham

France forward Christopher Nkunku chuan thlasik transfer-ah thawm nei na viau mah se, amah duhtu club-ten Chelsea phalna zat anga an ngam loh avangin a chhuak lo.

Blues-a khelhna hmun chang tam lo Nkunku hi Bayern Munich leh Manchester United ten an duh nia sawi a ni a, mahse, Blues hian an striker hi pound maktaduai 65 an chhiar.

Bayern leh United hian duh viau mah se, £40mtd aia sangin an ngam lo a, Stamford Bridge-ah lung si lo zetin a cham chhunzawm dawn niin a lang.

United hian loan-a lakluh pawh an dil a, mahse, Chelsea-in an phal loh bakah kum 27 mi striker hian loan-a chhuah a duh lo.

Nkunku hian June 2023 khan Chelsea hi RB Leipzig aṭangin £52mtd-in a zawm a, mahse, hliam vanga a buai zui avangin December 2023 khan Blues tan a inlan ve chauh.

France tana vawi 14 inlan tawh forward hian a season hmasa berah Blues tan match 14 khelin goal thum a khung a, tun season inelna hrang hrangah match 29 khela goal 13 khungin, assist vawi li a nei tawh.