Champions League khel tur Man City?
Manchester City-in season liam taa Premier League palina an nih avangin Champions League playoff an khelh a ṭul a, Pep Guardiola hnuaia Europe-a an inlan hmasak berah Steaua Bucharest chu 5-0 in an sawp. Zanin dar 12:15 hian Etihad Stadium-ah Romanian club hi an lenglut dawn a, Spanish manager hnuaia la chak vek City hi an chetsual theih a rinawm loh.
Goal 5 chauh
Minute 90 chhunga goal nga khung hi a tam a, amaherawhchu Manchester City-in Steaua Bucharest an sawp ṭumin Sergio Aguero-a'n penalty vawi hnih lai a hlah avangin Romanian club hian goal nga chauh an chhuah avangin an lawm tur a ni.
Argentine striker Aguero hian Romania national stadium Arena Nationala-ah penalty khung lo mah se hattrick a siam tho a, Spanish player David Silva leh Nolito ten goal khat ve ve an khung bawk. English club hi kawng engkimah an chungnung a, keeper Joe Hart tan erawh Pep Guardiola hnuaiah khelhna hmun nghet a chang dawn lo tih a lang bawk.
Hart leh a chhehvel
Joe Hart hian amah duhtu Borus-sia Dortmund leh Sevil-la te zawm a duh lo tih hriat a ni tawh a, Everton nena sawi thawm a ring hle. Amah-erawhchu City hian season khat chhung loan-a Hart hawh tur hian pound maktaduai 7 an phut niin tarlan a awm a, English keeper hian kar khatah £135,000 a hlawh bawk avangin Toffees pawisa sen phal zat nen a inrem lo.
City keeper Hart-a hmalam hun a chian loh avangin England ma-nager Sam Allardyce ngaih-tuah a buaih phah hle. Sun-derland manager hlui hian tun thla chhungin England captain a tichiang dawn a, thla thar ni 4 hian 2018 World Cup qualifier-a an match hmasa berah Slovakia an hmachhawn dawn. Pep Guardiola erawhin Hart aiin Argentinian keeper Willy Caballero a ring a, Bar-celona aṭangin first keeper turin Claudio Bravo an lalut chiang tawh bawk.
City an vul ṭan?
Pep Guardiola-a'n coach danglam bik a nih zia pholangin hming langsar aiin a duh dana khel thei a thlang. England no. 1 keeper Joe Hart a awltir ngam avangin Pep a huaisen tih a lang a, City thiampuipa Yaya Toure pawhin Spanish manager duh dan a la tlin loh avangin khelhna hun pek a la ni lo. Hei chauh hi a ni lo a, taksa rih dan tur baka rit Samir Nasri phei chu first team zingah training a nei ve lo.
Spanish manager hnuaiah City-in Premier League-ah Sunderland (2-1) leh Stoke City (4-1) an hneh tawh a, an result aṭangin hma an sawn tih a lang. Chutihrualin tuna City hi Pep-a hnuaia Barcelona leh Bayern Munich te nena khaikhin ralah chuan hmasawnna tur an la ngah a, an player tharte an la chhawr loh bawk avangin hma lam an pan zel dawn tih a chiang.
Aguero faktu Pep
Manchester City manager Pep Guardiola chuan, "Match thumah goal ruk a khung tawh a, goal zel turin ka duh. Amaherawhchu a hna hmasa ber chu ball kan chan loh laia pressure pe hmasa ber tur a ni a, kan khingpuite ngaihtuahna hman hmangin a siam tur a ni lo. Tunah chuan a hna ṭha takin a thawk a, penalty a pet dan aṭangin a rilru huaisen zia a lang bawk," tiin Argentine forward a fak.
Sergio Aguero hian Bu-charest laka penalty vawi hnih a hlah hnuah Stoke City lamah penalty aṭangin a khung a, Spanish manager chuan season tawpah player rilru huaisen an pawimawh ṭhin thu a sawi bawk. Manchester City hian zani-n-ah a vawi hnih nan Steaua Bucharest an hmachhawn dawn a, goal lut loin inkhel an ṭin lo ang.